iRead (nothing grey) 2012

"Verlede jaar het ek vir die eerste keer begin om 'n lys te maak van die boeke wat ek lees. Wow. 95. En baie het ek vergeet om in te sluit! Maar dit was lekker om terug te kyk oor die jaar en te sien watter temas/skryfstyle my getrek het! Ek hoop om hierdie jaar meer gedissiplineerd te wees en ek hoop om my vas te loop in goeie goeie goeie goeie (soos Reinhardt bid vir goeie drome) lékker boeke te lees. "

(Ek's al klaar bietjie slimmer, en maak van die begin af kategorieë):

Dit was my...uhm..gevleuelde woorde aan die begin van die jaar...Dissipline was by die deur uit.  Aandagspan ook.  Daarom 'n mengsel van ligte, kort boeke, met hier en daar iets dikkers/diepers, en bietjie nie-fiksie.  En weereens verskeie vergeet.

My bestes in pienk:

Afrikaans Fiksie

1. Die verhaal van Johanna Brandt - Bep du Toit
2. Wildvreemd - Carina Stander
3. Geur van vergifnis - Alta Cloete
4. Geur van vervulling- Alta Cloete
5. Daar was 10 - Heinz Konsalik
6. Een aand in Amsterdam - Ela Spence
7. Eendag vir altyd - Marie-Louise Cronje
8. Ons wag op die kaptein- Elsa Joubert
9. Die Vrystaat is verniet - Helene de Kock
10. Go'el Yisra'el - Marzanne le Roux-van der Boon
11. Sabina's - Nadia de Kock
12. Grensoorlogstories - Jeanette Ferreira
13. Waar sy hoort - Marlie Cloete
14. Klein land van die liefde - Margaret Bakkes
15. Kondensmelk - Christien Neser
16. Koshuiskoffie - Christien Neser
17. Groen is die kleur van genade - Marlene le Roux
18. Fado vir 'n vreemdeling - Margaret Bakkes
19. Lentelied - Dirna Ackerman (2in1)
20. 'n Nuwe Dag - Dorothy Fourie
21. Haaitemmer - Wilreza Theron
22. Uitgeboul deur liefde - Mari Roberts
23. Satynprinses - Rykie Roux
24. Soeter as heuning - Bets Smith
25. Waar liefde le - Elsa Winckler
26. Die soen - Bets Smith
27. Niemand soos jy nie - Magdaleen Walters
28. 'n Ster vir Stella - Malene Breytenbach
29. Eendagmooi - Kristel Loots
30. 'n Klein lewe - Wilna Adriaanse
31. Die Wildedruif val - P H Nortjé
32. Mense van my asem - Steve Hofmeyr
33. Die Skrywer - Esta Steyn
34. Niggie - Ingrid Winterbach
35. Om Kobus te ken - Madelie Human
36. Boheem - Chanette Paul
37. Rots van liefde - Chanette Paul
38. Vlerke van Goud - Chanette Paul
39. Ons is nie almal so nie - Jeanne Goossen
40. Jy's die een - Madelie Human
41. Om Ben lief te hê - Madelie Human
42. Alles of niks - Madelie Human
43. Mieke rock uit - Jana du Plessis
44. Seisoen van Genade - Alta Cloete
45. 'n Huis vir Nadia - Dalene Matthee
46. Want daar's skoenlappers - Elsa Winckler
47. Die kinders van Sengeti - Elmar Steyn
48. Voltooide Sirkel - Madelie Human
49. Haar grootste geskenk - Marile Cloete
50. Blou sjokolade - Christien Neser
51. Eenoogkoning - Malene Breytenbach
52. Aand die windkant - Annemi Coetser
53. Jo & Sue - Chanette Paul
54. Nan & Jeannie - Chanette Paul
55. Lam in Wolfsklere - Bernette Bergenthuin
56. Verskietende ster - Anna Penzhorn
57. Wilde Lote - Jaybee Roux
58. Philida - Andre Brink

Engels Fiksie

1. Pillars of the earth - Ken Follett
2. Lie down with Lions - Ken Follett
3. Lone Wolf - Jodi Picoult
4. Loving - Karen Kingsbury
5. One Life. 6 Words. What's yours? - Smith Magazine
6. Dynamite doctor or Christmas Dad? - Marion Lennox
7. The Lucky One - Nicholas Sparks
8. A rural affair - Catherine Elliott
9. A Mango-shaped space - Wendy Mass
10. The Hunger Games - Suzanne Collins
11. Once in a lifetime - Cathy Kelly
12. The Patchwork Marriage - Jane Green
13. Baking Cakes in Kigali - Gaile Parkin
14. Jewels of the Sun - Nora Roberts
15. Spud-Exit, Pursued by a bear - John van de Ruit
16. Bed of Roses - Nora Roberts
17. Coming Home - Karen Kingsbury
18. The Top Prisoner in C-Max - Wessel Ebersohn
19. The best of me - Nicholas Sparks
20. Savour the moment - Nora Roberts
21. Happy ever after - Nora Roberts
22. Vision in white- Nora Roberts
23. The redemption of Sarah Cain - Beverly Lewis
24. The Poisonwood Bible - Barbara Kingsolver

Nie-fiksie

1. The book of regrets...thoughts, memories and revelations from a celebrated cast -Juliet Solomon
2. Eugene Terre'Blanche - my storie - Amos van der Merwe.
3. Troepie - van blougat tot bosoupa - Cameron Blake
4. Die Anglo-Boereoorlog - Fransjohan Pretorius
5. Wednesday is indigo-blue - Cytowic & Eagleman
6. Armblankes - Edward-John Bottomley
7. Taal is zecht maar echt mijn ding - Paulien Cornelisse

Hierdie het dit nie gemaak nie...

1. The Alchemist - Paulo Coelho (was eintlik nog op die ongeleesde lys van laas jaar, maar ek het dit weggegee. Ek het net nooit lus gekry om te begin nie)
2. John - Niall Williams
3. Die poorte van Sion - Bodie Thoene
4. Look at me - Jennifer Egan
5. The idea of love - Louise Dean

Hierdie wil ek (nog) lees (en baaaaie is oorgedra van 2011...)!
(Oeps.  Uhm, dit lyk amper identies soos laasjaar...)

1. Suid-Afrika 'n Toekomsperspektief
2. A Christmas Carol - Charles Dickens
3. How to study the Bible - John MacArthur
4. Coconut - Kopano Matlwa
5. A Journal for Jordan - Dana Canedy
6. The 5 Love Languages - Gary Chapman
7. How things are made - Rose & Schlager
8. Black Diamond - Zakes Mda
9. Mahala - Chris Barnard
10. The man who loved the Zulus - J F Scutt
11. Fascinating Womanhood - Helen Andelin
12. Knowledge in the blood - Jonathan Jansen (amper klaar!)
13. Star of the morning - Pamela Jooste

89 in totaal, as ek nou so vinnig kyk. 

Mmm, en baie was dun en vinnig.  Iets waaraan ek sal werk dié jaar. 

Maar dit was steeds lekker!

Oor die bestes:

Wildvreemd (Carina Stander) - Nie geskryf in die tipiese styl waarvan ek hou nie, maar hier kon ek aanhou.  Ek ken die omgewing, en alles word so mooi beskryf dat jy dit voor jou sien gebeur.  'n Interessante, boeiende verhaal.

Ons wag op die kaptein (Elsa Joubert) - Bietjie van 'n skande dat ek nou eers daarby uitkom?  Ook nie my gewone leesstof, en ek moes maar aanpraat om deur te sit, maar die slot, o, wat kon toe daar gebeur?  So baie om oor te dink.

'n Klein lewe (Wilna Adriaanse) - Wat 'n verrassende wending deur hierdie skrywer!  Dis 'n andante - boek, heeltemal anders as haar ander fiksie.  Weereens, omdat ek die omgewing ken, kon ek dit goed visualiseer. So 'n goeie verwoording van hoe 'n vrou die veranderende Suid-Afrika beleef het.   

Seisoen van Genade (Alta Cloete) - Ek het aanvanklik gesukkel met Alta se drie "Geur"-boeke, tot ek besef het die boeke is elk in die toonaard/persoonlikheid van die hoofkarakter geskryf.  Die  "Seisoen"-reeks wat met Genade begin is vir my 'n verdieping van die vorige. Misleidend, met die mooie voorblad, kan dit maklik aangesien word vir net nog 'n liefdesverhaal, maar daar word regtig hartsdinge aangespreek in hierdie boek.  Ek wag vir die volgende een.

Philida (Andre Brink) - Philida sal waarskynlik  op elke tweede Afrikaanse leser se lysie beland.  Ek sukkel met André Brink. " 'n Droë wit seisoen" is een van my top 10-boeke, maar die res kon my nog nie werklik roer nie.  Philida is weer 'n lekker-lees, omstrede nagevors met die beurs wat baie meen iemand anders moes kry. Ek sê "lekker-lees", want die gaan vinnig, maar dis eintlik 'n hartseer verhaal, uit die slawetyd van die ou Kaap.  O jete, die (Suid)-Afrikaner het baie om voor rekenskap te gee. Hierdie boek gee 'n beeld van hoe dinge daardie tyd gewerk het, wat jy eintlik nie wil sien nie, maar moet weet.

Die Folletts - "Pillars" het ek op aanbeveling van 'n lees-vriendin gelees; sy was reg, dis 'n grootse boek.  "Lions" was weer heeltemal anders, maar vir my net so interessant.  Ek sal weer 'n Follett in die oë kyk dié jaar, "Pillars" se opvolg lê reeds in die rak.

Lone Wolf (Jodi Picoult) - Ah, ek lief Jodi, daar is seker maar twee van haar boeke wat ek nie geniet het nie.  Sy klits jou altyd om op die tweedelaaste bladsy, en hier weer. 

A Mango-shaped space (Wendy Mass) - Uiteindelik kry ek hierdie boek in die hande, 'n standaardboek vir almal met sinestesia.  Dit kan ook gesien word as 'n jeugverhaal, maar vertel so mooi hoe sinestesia werk, uit die oogpunt van die jong meisie.  Die titel 'n lieflike metafoor :-)

Baking Cakes in Kigali (Gaile Parkin) - Hoekom het ek dit nou eers gelees?? 'n Lieflike boek, dit gaan lig, maar nie lighartig nie, oor soveel seer, en gee ook 'n prentjie van die mooi wat daar wel bestaan in 'n verskriklike land. 

The Top Prisoner in C-Max (Wessel Ebersohn) - Spanning is nie eintlik my genre nie, so hierdie was weer 'n buig van die grense, maar ek is bly ek het Ebersohn ontdek.  Ek kon nie vinnig genoeg omblaai nie!

The Poisonwood Bible (Barbara Kingsolver) - Ek kan niks meer sê wat nog nie oor hierdie boek gesê is nie.  'n Moet-lees vir elke westerling wat in Afrika woon, wil gaan woon, wil gaan werk, wil gaan mense "red".

Eugene Terre'Blanche - my storie (Amos van der Merwe) - Hierdie is iets wat jy met moeite begin lees, want ET was so 'n omstrede figuur.  Amos hanteer sy storie egter so goed en ten spyte van enige aversie wat jy mag voel vir die man en sy idees, is daar ook simpatie, want op die ou end was hy 'n eensame, ontnugterde man, met romatiese ideale wat hy nie kon realiseer nie. 

Taal is zecht maar echt mijn ding ( Paulien Cornelisse) - Pas ontdek op vakansie; 'n humoristiese kyk na Nederlandse taalgebruik en uitdrukkings.  Ek het by tye kliphard gelag  (dit vat baie om meer as 'n glimlag by my te kry) en het summier die opvolg hiervan gekoop voor ek uit Nederland is.

O, maar ek het byna almal geniet.  Chanette Paul se twee boeke oor die Calitze, Madelie Human en Elsa Winckler se romanses, die nuwer stemme van Bernette Bergenthuin en Jana du Plessis...daar's niks te kla oor Afrikaanse boeke nie!

My stapels staan reg vir 2013 - als wat oorgedra word al reeds uit 2011, 'n hoop nuwes wat deur 2012 aangekoop is, histeriese aankope nou op vakansie en lekker geskenke en leenboeke van my sisi.